මෙල්බන් නුවර සිට නිවන් මග වැඩීමට වෙර වීරිය දරන පින්වත් ඔබ වෙනුවෙන්ම, දෛනික ජීවිතයේ කාර්ය බහුලත්වයෙන් මඳකට මිදී, නිස්කලංක සන්සුන් පරිසරයක, ආර්ය මහා සංඝ රත්නයේ ගුරු ඇසුර ලබමින් නිවන් මග ප්‍රගුණ කරගැනීමටම සංවිධානය කරන ලද මෙම දෙදිනක භාවනා වැඩසටහන සඳහා සාදරයෙන් ආරාධනා කරමු.

ගෞරවනීය ස්වාමීන් වහන්සේලාගේ අනුශාසනා හා මඟපෙන්වීම යටතේ න්‍යාය සාකච්ඡා, භාවනා පුහුණුව, සත්ධර්ම දේශනා, ප්‍රායෝගික ධර්ම උපදෙස් සහ ස්වයං ආවර්ජනය සඳහා වටිනා අවස්ථාවන් මෙම වැඩසටහන තුළ ඔබට හිමි වනු ඇත.

මෙම වැඩසටහන, භාවනාවට නවක පින්වතුන්ට මෙන්ම භාවනාවෙහි පලපුරුදු යෝගාවචරයන්ටද යෝග්‍ය වන පරිදි සකසා ඇත.